Abstract
Kuinerrarmiut kinguvrita ayagniuskiit Tegganrita-llu cingumakiit Nunallermek Elakengaliuryaranek Caliarat [Nunalleq Archaeology Project] Yup’igni Alaska-rmiuni ayuqaitellruuq ayagniatni 2009-aami. Tuakenirnek nakmiin nunameggni caliamegteggun qulen allrakut cipluki elakengaliuryararluteng elakengengnaqellrianek, elakenganek yuvrilrianek, kangingnaurvigteggun qelkilrianek, 2018-aarnirnek-llu nunameggni elakengellmeng tamalkuita qellekviatnek. Elakengaliurtet Nutemllaat-llu Kinguvrita caliaritnek qanemcini Tegganret kinguvarturtet-llu arcaqaketuit. Tau͡gaam tamakut calillgutkuciat man’a engelkarrluku arcaqaqapigcaaqengraan Nunallermek caliaratnun, makuni eneqakaput ayagyuat anglillret Caliarat maliggluku, maa-i-llu elakengat tapeqluki paitaqsagutellruluki. Makuni igani qalarutkaput Nunallermek Elakengaliuryaranek Caliarata agtuumaciat nunalget paitaitnun, mumiggluku-llu nunalget ilagautellermegteggun elakengaliuryaranun agtuumaciat, atunemllu yugnun paivtellerkiullrat. Qulen allrakut cipluki iluatni murilkelput umyuangcautekenqegcaarluki, qaillun-llu tamakucit nunalgutkellriit-llu calillguteksarait kinguvqaarni elluarcaryugngaciatnek.
Translated title of the contribution | Giving the Past a Future: community archaeology, youth engagement and heritage in Quinhagak, Alaska |
---|---|
Original language | Other |
Pages (from-to) | 249-269 |
Number of pages | 22 |
Journal | Études Inuit Studies |
Volume | 46 |
Issue number | 2 |
DOIs | |
Publication status | Published - 2022 |
Bibliographical note
QuyatetMakunek igararkanek kangingnaullret ikayuutengqellruut Pilianek Yugtarnek-llu
Kangingnaurtet [Arts and Humanities Research Council] picirkiurutetgun akiliutaitnek. Quyavikaput Rick Knecht-ankut, Julie Masson-MacLean, Apurin-llu Dora Strunk-aq tarenrairateng aturcecatki. Quyana Jean-Christophe Comte makut atrat arcaqalriarit-llu Frenchaatun mumiggluki. Cali-llu quyaviklukek malruk aterpagcimanrilnguuk arenqiirturtek igamta tungiitnun cangalkucimegnegun ikayurpallrek. Umyuaqegcitekluku Stephan Jones-aaq,
Nunallermek paitat Yuuyaranek-llu Caliviata tungiitnun ayagyuat tengruluni ilagarcetaaraki. Quyatekqapiggluki Qanirtuuq Inc.-at ikayurturatuatkut, arcaqerluku Warren Jones-aaq. Arcaqerluki-llu quyavikluki Kuinerrarmiut, Tegganrit, cakaniutekevkenaki-llu ayagyuat ciunerkameggnek tengruqapigtellriit. Cataitellrukuvci man’a qaillun piurtesciigacalria!
Keywords
- Nunalget Elakengaliuryarait
- Nutemllaat Kinguvrita Elakengaliuryarait
- Yup’ik
- Yupiit Paitait
- Ayagyuat Ilagauciat